ඔබ අතරින්, කිසිදු වරදක් කිසි දිනක නොකළ අයෙක් වේ නම්, මේ ස්ත්‍රියට පළමු ගල ගසන්න" ජේසුස් එදා කීවේ ය. කිසිවකුත් ගල් නොගැසූ හ.
"ඔබ අතරින්, කිසිදු වරදක් කිසි දිනක නොකළ අයෙක් වේ නම්, මේ ස්ත්‍රියට පළමු ගල ගසන්න" ජේසුස් අද කිවේ නම්, සියල්ලෝම උඩ පනිමින් ගල් ගසනු ඇත.

ආදරණීය සෙල්වා.....................

අද ඔබේ

උපන් දිනයයි

ඔබ නැතුව, 

වසර හතරයි............

අන්තිමට අපි ඉඳපු

මාර ගහ ලඟ

තාම ඔබෙ

සුවඳයි...........

පන්සිලෙන් මඩිනු බැරි

නිමක් නැති සිහින තුල

දහස්වර ඔබේ රුව

මැවී එයි,

සිනාසුනු ඇස් වලින්

දස දහස් වාරයක් 

කඳුලු බිඳු

පතිත වෙයි,

කලු උනත් ඔබ සුදුයි

සුදු වෑන් එක කලුයි...............................

වැස්ස

සඟවනු නොහැකි
අහසට උරුම
කඳුලු!

මුහුද

නැගෙන
බිඳෙන
ගැහෙන
නිල් පාට හදවත!

බූරු කථා

එක්තරා දුප්පත් ගොවියකු, ගමනක් යන අතරමග, බූරුවකු හමු විය. බූරුවා, නිල් පාටය. මෙම අමුතු බූරුවා , මිනිසාට කථා කොට ,
" හිතවත් මිනිස! ඔබට ඉතාම වෙහෙස පාටයි. කරුණාකර මගේ කර මත නගින්න. මා ඔබව ගමනාන්තය  කරා ගෙන යමි. " කීවේ ය.
දුප්පත් මිනිසා ඉතා සතුටින් බූරුවා පිට නැගුණේ ය. එකෙණෙහිම බූරුවා මහා හඬින් කෑ ගසා,
" ඔබ ඉතා බරයි. මා එතරම් බර නැත. ඔබ මට වඩා ශක්ති සම්පන්න නිසා මගේ පිටින් බැස,  මට ඔබේ පිට  උඩ යන්නට දෙන්න" යයි කීවේ ය.

දැන් අර බූරුවා, මිනිසා පිට නැග යයි. එම බරින් පීඩිතව, යන මිනිසාට ටික දුරකදී, කොළ පැහැති බූරුවෙකු කාරුණිකව මිනිසා දෙස බැලූ කොළ පැහැති බූරුවා,

" හිතවත් මිනිස! ඔබ නිසි අහරක් , ඇඳුමක් නැති අයකු බව බැලු බැල්මට පෙනේ.ඒ අතර මේ නිල් පැහැ බූරුවාද, ඔබේ කර මත යයි. කරුණාකර ඔය බරින් නිදහස් වී මගේ පිට මත නගින්න. මා ඔබේ ගමනාන්තය කරා ගෙනයමි" කීවේ ය.

මිනිසා වහා නිල් පැහැ බූරුවා, පන්නා දමා කොළ පැහැ බූරුවා මත නැගුණේය. එකෙණෙහිම, කෑ ගැසූ කොළ පැහැ බූරුවා,
" ඔබ බර වැඩියි. කරුණාකර මා ඔබේ කර මත ගෙනියන්න" යැයි කීවේ ය. දැන් මිනිසා කොළ පැහැ බූරුවා, පිට මත රැගෙන යයි. එම බරින් පීඩිතව යන මිනිසාට, ඉදිරි මග නැවත නිල් පැහැ බූරුවකු සිටින බව පෙනේ.

පක්ෂ විපක්ෂ

                                                          එක්තරා වන ලැහැබක පාලක පක්ෂය වනාහී, සුදු හාවුන්ගෙන් සමන්විත වූවකි. විරුද්ධ පක්ෂය, කලු හාවන්ගෙන් යුක්ත ය.

ඔබේ හෝ මගේ රටේ මෙන්ම, වන වැසි සියලු හාවෝද , කලු සුදු ලෙස බෙදෙමින්, කා කොටා ගනිමින් සිටිනා ලදහ. එක්තරා දිනෙක, එම වනයේ, මහ වැසි ඇති විය.  වැසි වසින වෙලේ බොහෝ හාවුන් තම ගුල් තුල සැඟවුනද,  එසේ කර ගත නොහැකි වූ මහ මඟ ගිය හාවෙක්,ගං වතුරට හසුව ගසා ගියේ ය. ගසා යන හාවා, එක්තරා ගල් ගුහාවකට ඉහළින් පාත් වූ අත්තක් අල්වා ගත්තෙන් යන්තම් එයට ගොඩ විය.ගල් ගුහාව තුළින් උණුසුමත් ආලෝකයත් දැනෙන ලදින්, හාවා අසීරුවෙන් එහි වූ කවුලුවකින් මුහුණ හොවා බැලුවේ ය.

පුදුමයකි! නරි රැසක් එහි කති බොති. කලු, සුදු හා ඇඳුම් රැසක් තැන තැන බිම විසිර ඇත.

කපුටා සහ කේජු කැබැල්ල

කලු කපුටා, කේජු කැබැල්ලක් මුවේ දරා ගස උඩ සිටියි. නරියා, ගස යටට, පැමිණියේ ය.

" සොයුර! ඔබ කෙතරම් ලස්සනද? ඔබේ ලස්සන මීටත් වඩා ඔප කර, ඔබේ හැකියා වර්ධනය කර, ඔබට වඩා සුන්දර අනාගතයකට මග පාදමි."

ප්‍රීතියෙන් පිනා ගිය කපුටා, යමක් පැවසීමට කට අරිනවාත් සමඟම, කේජු කැබැල්ල ගිලිහී ගියේ ය. එය අල්වාගත් නරියා, වහා තම ඉන්ටකූලරයේ නැගී පාර්ලිමේන්තුව දෙසට යන්නට විය.

එකමත් එක රටක...................

                                            

                      එක්තරා කාලයක, එක්තරා රටක , ඝන වනාන්තරයක් විය. මහත් අවුල් වියවුල් සහිත වු  මෙහි , සතුටින් දිවි ගෙවන සතුන් අතරෙහි  ගිරවෙකුද වූයේය. ගිරවා වනයේ  නඩුකාර තනතුර දරන්නෙකි.

වනයේ පාලකයා වනාහී සිංහයෙකි. මෙකී පාලකයා අනෙක් මොනයම් රටක හෝ පරිද්දෙන්ම ප්‍රජාතන්ත්‍රවාදීව සත්ව ඡන්දයෙන් පත් කරගන්නෙකි. සුවයෙන් කල්ගෙවන සිංහයා  කළඹවමින්  දේශපාලන   කුණාටුවක පෙරනිමිති පහල වූයේ , එක්තරා නොවැදගත් සත්වයෙකු සිංහයාට එරෙහිව ගිරවා වෙත පැමිණිල්ලක් ඉදිරිපත් කිරීම සමගිනි. මෙය කිසිවකුත් බලාපොරත්තු නොවූවකි. පාලකයාට එරෙහි විය නොහැකි ලෙස අණ පනත් සම්ම්ත කරනොගත්තැයි සිතමින් පසුතැවිලි වන සිංහයා වඩාත් තැති ගත්තේ විරුද්ධ පක්ෂය මේ මොහොතේ බොර දියේ මාලු මාලු බාන්නට සූදානම් වන අයුරු පෙනෙන්නට වීමෙනි.

මෙය වනාහී ඕනෑම ජගතෙකු අසරණ වන මොහොතකි. දේශපාලනයෙන්  තොරව වෙන කිසිදු රැකියාවක හුරුවක් නැති මෙම අසරණ සිංහයා, වහා හොර රහසින්  නඩු කාර ගිරවා  සොය ගිය අතර  ඔබ සිතූ පරිදිම මාධ්‍යයෙන්  වසන් කළ සාමකාමි සාකච්ඡා වට කීපයකට පසු, ගිරවා සුදු කොඩියක් නඩු කාර මැදුර ඉදිපිට එල්වූයේය. ඉතාම ප්‍රවේශමෙන් මෙය කිරීමට සිදුවූයේ ඒ වනවිට   උගේ එක් තටුවකින් ලේ ගලමින්ද, එක පයක තැල්මක්ද සහිත වූ බැවිනි. කෙසේ නමුත් ඔබ මෙය වරදවා වටහාගත යුතු නැත. එය ඇත්තෙන්ම, සිංහයා විසින් සිදු නොකළ බවද, ගිරවා හදිසියේ ලිස්සා වැටීමෙන් සිදූවූ බව ඔවුන් පසුව ප්‍රකාශ කරනු ඇත.

මෙම සුදු කොඩිය දැමීම වූ කලී ඔබගේ හෝ  මගේ රටේ මෙන් , යටත් වීම ඇඟවෙන්නක් නොව චුදිතයා නිදොස් කල බව දැක්වෙන්නකි. මේ අතර මාධ්‍යය වාර්තා කළේ , ගිරවා සිංහ මැදුරේ සිරගත කර ඇති බවකි. මෙහි සත්‍ය අසත්‍ය කෙසේ වුවත්, ඉන්පසු එම වනයෙහි බොහෝ සතුන්ට බොහෝ කරදර ඇති විය. ඕනෑම මොහොතක ගිරවා පැමිණ " ඔබ රජයට විරුද්ධව වැඩ කර ඇත. ඔබට  විරුද්ධව විරුද්ධව නඩු පවරමි" කීමේ අනතුර ඇති විය. අවසානයේ සතුන් කෙතරම් පීඩිතව ගියාද කිවහොත්, කිසිවකු ආදරය කිරීමට හෝ උත්සාහයක්  නොගත්තහ. සියල්ලෝ ඔහේ වසන්නට වුවෝය.

මේ අතර එක දිනක් සිංහ මැදුර පිටත මහත් කලබලයක හඬ ඇසෙන්නට විය. සිංහයා වහා පිටතට වුත්, බැලු කල දකින්නට ලැබුණේ , සියලු සතුන් සාධාරණය ඉල්ලා හඬ නගමින් ඇති බවකි. සිංහයා වහා මැදුර වෙත ගොස්  ඒ වන විට තම මැදුරේම වසන නඩුකාර ගිරවාගේ කුඩුවේ දොර හැර, එම කලබලය සංසිදුවන්නයිද පිරිස විසුරුවන්නයිද ගිරවාට නියෝග කළේය. නමුත් සතුන් ගිරවා ප්‍රතික්ෂේප කල අතර, සර්ව බලධාරී දෙවියන් වෙත සාධාරණය පතා පැමිණිළි කළෝය. දෙවියන් සිංහ මැදුර වෙත ඉතා ගරුසරුව පිළිගන්නා ලදී.

දේව වාර්තාවේ මුලින්ම දැක්වුයේ, නීතියේ ස්වාධීනත්වය රැකීම උදෙසා ගිරවා නිදහස් කලයුතු බවකි. අවසානයේ ගිරවාගේ මුවෙහි සිනාවක් මතු විය. ඇත්තෙන්ම ඔබ සිතු පරිදි මෙය සතුටුදායක අවසානයක් වන්නේ නැත . මන්දයත් ගිරවා නිදහස් කිරීම උදෙසා වෘකයා නරියා සහ කොටියාගෙන් සමන්විත කමිටුවක් සිංහයා විසින් වහාම පත්කර ගන්නා ලද බැවිනි.

(Chethan Bagath ගේ “ Caged parrot” කෙටි කථාව ඇසුරෙනි. )